viernes, 24 de febrero de 2017

DÍA DE ROSALÍA

Hoxe , 24 de febreiro, celébrase o día de Rosalía de Castro. No noso cole, tamén. Cúmplese o 179 aniversario do seu nacemento. Por iso  decidimos festexar  primeiro cun fermoso poema 

Has de cantar
que che hei de dar zonchos
has de cantar
que che hei de dar moitos

   «Has de cantar,
meniña gaiteira,
has de cantar,
que me morro de pena.

   Canta, meniña,
na veira da fonte;
canta, dareiche
boliños do pote.

   Canta, meniña,
con brando compás,
dareiche unha proia
da pedra do lar.

   Papiñas con leite
tamén che darei;
sopiñas con viño,
torrexas con mel.

   Patacas asadas
con sal e vinagre,
que saben a noces,
¡que ricas que saben!

   ¡Que feira, rapaza,
si cantas faremos...!
Festiña por fóra,
festiña por dentro.

   Canta si queres,
rapaza do demo;
canta si queres,
dareiche un mantelo.

   E cunha rosa na man, cantamos "Adiós ríos adiós fontes". 
Mirade o video.

No hay comentarios:

Publicar un comentario